(星岛日报报道)早前有报道指曾志伟因「港姐西贡论」被无线封杀。前晚志伟为到活动担任嘉宾并首度回应，更主动建议记者直入主题。志伟借力打力，令到整个访问都笑声不断。他笑说：「TVB又唔系真系无得做慨，2035年啦，等渠换晒啲人先！」

　　前晚曾志伟现身「香港人撑香港品牌」3周年活动担任嘉宾。无线娱乐新闻台亦有派出采访队伍到场，而主播王镇泉没有问及有关被封杀一事。

　　问到志伟何以晒得一身古铜肤色？志伟笑说：「入正题啦！唔好讲埋啲无谓嘢喇！（真系想知你做乜咁黑。）周围搵嘢做啰，畀人封杀，唔使搵嘢做咩！世界难捞，唔系想做就有得做。」问到可有求证是否被封杀？他笑说：「我信报道慨，唔知啊，不过（TVB）就系无搵我。」提到ViuTV及亚视抢着邀请他帮手，志伟笑说：「报道嚟啫！我仲系求紧职。」

　　提到不少市民留言支持他继续担任港姐司仪，志伟笑说：「唔系想做就做，不过系想做好慨节目观众睇。（叻哥话你阻住晒啊！ ）所以咪畀佢做啰。我出于好意，今年真系谂过返去做，不过可能Format唔同咗，所以无搵我。（即系从来无搵你？）系，都无叫我去澳门影相。（都戥港姐开心可以冲出香港去澳门？）梗系，好过去西贡啊！」

　　问到志伟认为是亮相ViuTV还是因「西贡论」被无线封杀？

　　志伟笑说：「累积！祸从口出。」提到亚视有意邀请他参与亚姐，他笑说：「睇吓啦！我真系有打畀何丽全，都打唔通，想问候渠同恭喜渠。佢咁多兼职，要关照吓。」提到ViuTV有类似选美节目《广告女皇》，他笑说：「港姐都唔做，做呢啲会畀人笑。其实节目边度做都OK ，最紧要系好节目。TVB又唔系真系无得做慨，2035年啦，等渠换晒啲人先。」

　　另外，谈到香港品牌，刘倩婷就认为香港小姐跟慧妍雅集正正是有名气的香港品牌。刘倩婷透露暑假都是忙于凑女，而囡囡就刚刚加入学前班，她就逼丈夫李丞责请假陪囡囡开学。她笑说：「畀咗两条尿片渠、叫渠试吓凑女。囡囡都好黐爹哋，会树熊抱抱爹哋。」

　　谈到暑假可会出外旅行，刘倩婷说：「都唔会出去，或者筹备吓老公慨生日惊喜。都系一齐出海，因为我同囡囡都钟意游水，渠就叹住红酒用望远镜睇住我哋，好似救生员咁，不过有咩事就叫人。」